पूर्वमेयरको शोकमा पोखरा महानगरमा एकदिन बिदा

तत्कालीन पोखरा नगर पञ्चायतका प्रधानपञ्च सूर्यबहादुर केसीको निधनमा पोखरा महानगरपालिकाले बुधबार आफ्नो कार्यालयमा बिदा गरेको छ।

नेपाल समय | मंगलबार, कात्तिक १८, २०७७

नेपाल समय

मंगलबार, कात्तिक १८, २०७७

पूर्वमेयरको शोकमा पोखरा महानगरमा एकदिन बिदा

पोखरा– तत्कालीन पोखरा नगर पञ्चायतका प्रधानपञ्च सूर्यबहादुर केसीको निधनमा पोखरा महानगरपालिकाले बुधबार आफ्नो कार्यालयमा बिदा गरेको छ।

सोमबार राति निधन भएका केसीको शोकमा महानगरपालिकाले मंगलबार १ दिनका लागि सबै वडा कार्यालयमा पनि बिदा दिएको छ।

‘पूर्वजनप्रतिनिधिको निधनको शोकमा कार्यालयमा विदा दिएका हौं,’ मेयर मानबहादुर जिसीले भने।

केसीको आज सेतीनदीको शान्तिघाटमा अन्त्येष्टि भएको छ। सूर्यबहादुर केसी २०४१ र ४३ मा गरी २ पटक पोखरा नगर पञ्चायतको प्रधानपञ्च भएका थिए। बहुदल स्थापना हुने बेलामा पनि उनी नै पोखराको प्रधानपञ्च थिए।

नेपाली कांग्रेसबाट प्रतिनिधिसभा सदस्य उनी पहिलो संविधानसभा सदस्य पनि हुन्।

प्रकाशित: Nov 03, 2020| 06:10 मंगलबार, कात्तिक १८, २०७७