भलिबल क्लब च्याम्पियनसिपमा एपीएफ गलकोट र आर्मीको विजयी सुरुआत

नेपाल भलिबल संघ (एनभीए) ले आयोजना गरेको एनभीए क्लब भलिबल च्याम्पियनसिपको उद्घाटन खेलमा त्रिभुवन आर्मी क्लबले जित निकालेको छ।

नेपाल समय | आइतबार, असोज १०, २०७८

नेपाल समय

आइतबार, असोज १०, २०७८

भलिबल क्लब च्याम्पियनसिपमा एपीएफ गलकोट र आर्मीको विजयी सुरुआत

काठमाडौं– नेपाल भलिबल संघ (एनभीए) ले आयोजना गरेको एनभीए क्लब भलिबल च्याम्पियनसिपको उद्घाटन खेलमा त्रिभुवन आर्मी क्लबले जित निकालेको छ। त्रिपुरेश्वरस्थित राखेपको कभर्डहलमा भएको खेलमा आर्मीले कर्णाली प्रदेशलाई २५–८, २५–१४ र २५–७ को सेटमा पराजित गरेको हो।

त्यस्तै, आजको दोस्रो खेलमा एपीएफले ढोरपाटन स्पोर्टस क्लबलाई ३–१ सेटमा हरएको हो। पहिलो सेट २६–२८ ले गुमाएको एपीएफले २५–१८ २५–१५ र २५–१५ को जित दर्ता गरेको हो।

आजकै तेस्रो खेलमा भने गलकोट स्पोर्टस क्लबले बागमती प्रदेशविरुद्ध ३–० सेटको जित निकालेको छ। जहाँ बागमतीले गलकोटसँग २५–१९,२५–१७ र २५–१७ को सेटमामा हार बेहार्यो। आजको अन्तिम खेलमा पुलिस क्लब र दावाली मिलान भिड्दैछन्।

प्रकाशित: Sep 26, 2021| 15:38 आइतबार, असोज १०, २०७८