भारतमा पटाका गोदाममा विस्फोट हुँदा २ जनाको मृत्यु

नयाँ दिल्ली - भारतको बैंग्लोरमा पटाका गोदाममा भएको विस्फोटमा दुई जनाको मृत्यु भएको छ। भारतीय समाचार एजेन्सी एएनआईका अनुसार बैंग्लोरको थरगुपेट इलाकामा रहेको पटाका गोदाममा विस्फोट भएको हो। 

दिपावलीका लागि बनाएका पटाकाको बक्स गोदामको बाहिर खसेको बताइएको छ। शिवकाशी उद्योगबाट ल्याइएका ८० वटा बक्समध्येका दुईवटा बक्स खसेपछि विस्फोट भएको हो। 

उक्त पटाका बक्सहरुलाई कर्नाटकका विभिन्‍न जिल्लामा पठाउनका लागि गोदाममा पुर्‍याइएका थिए। डीसीपी हरिस पाण्डेका अनुसार गोदामको गोदामको बाहिर पटाकाका दुई वटा बक्स ६ फिटको उचाईबाट खसेपछि विस्फोट भएको हो। 

बाँकी रहेका ७८ वटा बक्स भने सुरक्षित भएको उनले बताएका छन्। विस्फोटपछि उक्त गोदाममा कार्यरत कामदार मनोहर र नजिकैको एक पसलमा बसेका असलम पाशाको मृत्यु भएको छ। 

Karnataka: Two people killed, three others injured in a blast at a firecracker storage facility in New Tharagupet area of Bengaluru earlier today, says DCP (South) Harish Pandey pic.twitter.com/QykVUFXtWF

— ANI (@ANI) September 23, 2021