भारतका लागि राजदूत आचार्यले भने - थप धेरै खोप पाउने आशा छ

भारतका लागि नेपाली राजदूत निलाम्बर आचार्यले भारतको कोरोनाविरुद्धको खोप निर्यातको निर्णयको स्वागत गर्दै थप धेरै खोप प्राप्त गर्ने आशा व्यक्त गरेका छन्।

नेपाल समय | बुधबार, असोज ६, २०७८

नेपाल समय

बुधबार, असोज ६, २०७८

भारतका लागि राजदूत आचार्यले भने - थप धेरै खोप पाउने आशा छ

नयाँ दिल्ली- भारतका लागि नेपाली राजदूत निलाम्बर आचार्यले भारतको कोरोनाविरुद्धको खोप निर्यातको निर्णयको स्वागत गर्दै थप धेरै खोप प्राप्त गर्ने आशा व्यक्त गरेका छन्।

राजदूत आचार्यले बुधबार भारतीय सञ्‍चारमाध्यमलाई प्रतिक्रिया दिँदै भारतको खोप निर्यात अक्टोबरदेखि पुन: सुरु गरिने निर्णयको स्वागत गरेका हुन्। उनले भारतको पुणेस्थित सिरम इन्स्टिच्युटबाट २० लाख डोज खोप खरिद गरेकोमा १० लाख डोज खोप उपलब्ध भइसकेको बताएका छन्।

उनले भने, 'भारतले अक्टोबरदेखि भ्याक्सिन मैत्रीअन्तर्गत खोप निर्यात गर्ने निर्णयले हामीले थप धेरै खोप प्राप्त गर्न आशा राखेका छौं।'

भारतका स्वास्थ्य तथा परिवार कल्याणमन्त्री मानशुख मान्डाभियाले सोमबार भारतले अक्टोबरदेखि खोप निर्यात सुरु गर्ने बताएका थिए। यसअघि भारतका कोरोना महामारीको दोस्रो लहर सुरु भएपछि अप्रिलदेखि खोप निर्यातमा प्रतिबन्ध लगाएको थियो।

भारतले नेपाले खरिद गरेको थप १० लाख डोज खोप उपलब्ध गराउन बाँकी रहेको छ। उक्त खोपका लागि नेपाल सरकारले फागुनमा नै भुक्तानी गरिसकेको थियो।

प्रकाशित: Sep 22, 2021| 20:32 बुधबार, असोज ६, २०७८