अमेरिकामा ४ लाख कोरोना संक्रमितको मृत्यु हुनसक्ने

अमेरिकास्थित वासिङ्टन युनिभर्सिटीले त्यहाँ कोरोना भाइरस संक्रमणका कारण ४ लाख जनासम्मको ज्यान जान सक्ने पूर्वानुमान गरेको छ।

नेपाल समय | शनिबार, भदौ २०, २०७७

नेपाल समय

शनिबार, भदौ २०, २०७७

अमेरिकामा ४ लाख कोरोना संक्रमितको मृत्यु हुनसक्ने

काठमाडौं– अमेरिकास्थित वासिङ्टन युनिभर्सिटीले त्यहाँ कोरोना भाइरस संक्रमणका कारण ४ लाख जनासम्मको ज्यान जान सक्ने पूर्वानुमान गरेको छ।

युनिभर्सिटीको स्वास्थ्य विभागले आगामी जनवरीसम्ममा उक्त संख्यामा मानिसहरुको मृत्यु हुन सक्ने प्रक्षेपण गरेको हो। यो संख्या अहिले भएको मृत्युको दोब्बरभन्दा पनि बढी हो। अहिले त्यहाँ मृतकको संख्या १ लाख ९२ हजार नाघेको छ।

समाचार संस्था रोयटर्सका अनुसार आगामी डिसेम्बरमा अमेरिकामा दैनिक ३ हजारको मृत्यु कोरोना संक्रमणबाट हुने अनुमान गरिएको छ। अहिले त्यहाँ दैनिक करिब साढे ८ सय जना कोरोना संक्रमितको मृत्यु भइरहेको छ।

मृतकको संख्या ३० प्रतिशतसम्म घटाउन सकिन्छ, यदि हरेक अमेरिकीले मास्क लगाउने कुरालाई गम्भिरतापूवर्कक लिने हो भने। तर, अमेरिकामा एउटा ठूलो संख्याले मास्क लगाउँदैन र मास्क लगाउने कुराको विरोधसमेत गर्छ।