आठ महिनापछि वुहानका शैक्षिक संस्था खुले, यस्तो देखियो

पूर्वी चीनको वुहानमा १४ लाख बालबालिका डिसेम्बरपछि पहिलो पटक विद्यालयमा पुगेका छन्।

नेपाल समय | मंगलबार, भदौ १६, २०७७

नेपाल समय

मंगलबार, भदौ १६, २०७७

आठ महिनापछि वुहानका शैक्षिक संस्था खुले, यस्तो देखियो

एजेन्सी- पूर्वी चीनको वुहानमा १४ लाख बालबालिका डिसेम्बरपछि पहिलो पटक विद्यालयमा पुगेका छन्।

चीनमा कोरोना भाइरसबाट भएको कुल मृत्युमध्ये वुहानमा ८० प्रतिशतको मृत्यु भएको थियो। जनवरीपछि यहाँ ११ हप्ताका लागि लकडाउन भएको थियो।

चीनको ग्लोबल टाइम्स अखबारका पत्रकार इङ चिङ चेनले गत हप्ता हरेक विद्यालय र क्याम्पसले गेटमा चेक पोइन्ट बनाएको र आजदेखि सबै शैक्षिक संस्थाहरु सञ्चालनमा आएको बीबीसीलाई बताएका छन्।

विद्यालय, क्याम्पस तथा अन्य शैक्षिक संस्थामा पुग्नेहरुको ज्वरो नापेर प्रवेश दिइएको छ। शैक्षिक संस्थामा मास्क लगाउन अनिवार्य गरिएको छैन। तर विद्यालय आउँदा र जाँदा भने मास्क लगाउन अनिवार्य गरिएको छ।