भारत उत्तर प्रदेशमा पत्रकारको हत्या

भारतको उत्तर प्रदेशस्थित बालिया जिल्लामा सोमबार एकजना पत्रकारको हत्या भएको छ।

नेपाल समय | मंगलबार, भदौ ९, २०७७

नेपाल समय

मंगलबार, भदौ ९, २०७७

उत्तर प्रदेश- भारतको उत्तर प्रदेशस्थित बालिया जिल्लामा सोमबार एकजना पत्रकारको हत्या भएको छ।

बालिया जिल्लाको फेपना गाउँका पत्रकार रतन सिंहको सोमबार उनको आफ्नै निवासमा हत्या भएको बताइएको छ।

प्रहरीले उनको हत्याको बारेमा अनुसनधान शुरु भएको पनि जानकारी दिएको छ। प्रहरीले गरेको प्रारम्भिक अनुसन्धानबाट ती पत्रकार र सोही गाउँका केही व्यक्तिबीचको पुरानो रिसइबीका कारण हत्या भएको हुनसक्ने अनुमान गरिएको छ।

हत्या गरिएका पत्रकारका पिताले भने सोही गाउँका प्रमुख झबर सिंहले आफ्नो छोराको हत्या गरेको बताएका छन्। उनले तिनै गाउँले प्रमुखले नै यसअघि आफ्नो जेठो छोराको पनि हत्या गरेका बताएका छन्।

बालिया जिल्लाका प्रहरी प्रमुख देवेन्द्रनाथले हत्यामा संलग्न जो सुकैलाई पनि कानुनी कारबाही गरिने बताएका छन्।