भारतमा एकै दिनमा ७० हजारमा कोरोना पुष्टि

काठमाडौं- तिब्र रुपमा फैलिएको कोरोना भाइरसबाट पछिल्लो २४ घण्टामा अमेरिका र ब्राजिलमा भन्दा धेरै संक्रमित थपिएका छन् ।

शनिबार एकै दिनमा अमेरिका ४३ हजार ८ सय जना र ब्राजिलमा ४६ हजार २ सय जना थपिदा भारतमा ७० हजार ६८ जनामा संक्रमण पुष्टि भएको छ ।

भारतमा एकै दिनमा यति धेरै संक्रमित थपिएको यो पहिलो पटक हो । यसअघि बुधबार ६९ हजार १ सय, बिहीबार ६८ हजार ६८ हजार ५ सय र शुक्रबार ६९ हजार ३९ जनामा संक्रमण पुष्टि भएको थियो ।

भारतमा पछिल्लो एक साता यता हरेक दिन ६० देखि ६५ हजारभन्दा धेरै संक्रमित थपिदै आएको छन् । सबैभन्दा धेरै महाराष्ट्र राज्यमा संक्रमित र मृतक छन् ।

जहाँ अहिलेसम्म ६ लाख ७१ हजार ९ सयभन्दा धेरै संक्रमित छन् भने २१ हजार ९ सय ९५ जनाको मृत्यु भएको छ ।

यस्तै तमिलनाडुमा ३ लाख ७३ हजार ४ सय संक्रमित छन् भने ६ हजार ४ सय २० जनाको मृत्यु भएको छ । आन्द्र प्रदेशमा ३ लाख ४५ हजार २ सयभन्दा धेरै संक्रमित हुँदा ३ हजार १ सय ८९ को मृत्यु भएको छ ।

भारतमा अहिलेसमम्म कोरोनाबाट २९ लाख १९ हजार ९ सयभन्दा धेरैमा संक्रमण पुष्टि भएको छ भने ५५ हजार ७ सय ९४ जनाको मृत्यु भएको स्वास्थ्य मन्त्रालयले जनाएको छ ।