अखाडा परिषद्‌का अध्यक्ष नरेन्द्र गिरी मृत भेटिए

नयाँ दिल्ली- अखाडा परिषद्‌का अध्यक्ष महन्त नरेन्द्र गिरी मृत भेटिएका छन्। उनी प्रयागराजस्थित आफ्नो निवासमा मृत भेटिएका हुन्। 

केही समयदेखि आफ्नो शिष्यसँग उनको विवाद चलिरहेको भारतीय  समाचार माध्यमहरुले जनाएका छन्। तर, पछि उनीहरु बीचको विवाद समाधान भइसकेको थियो। 

गिरी फर्जी सन्त तथा अखाडाविरुद्ध आवाज उठाइरहेका थिए। उनको नाम अन्य कयौं विवादमा मामिलामा जोडिएको बताइएको छ। 

भारतीय समाचार एजेन्सी एएनआईका अनुसार फोरेन्सिक विभागको टोली घटनास्थल पुगेर जाँच गरिरहेको छ।

उनको मृत्युप्रति भारतीय प्रधानमन्त्री नरेन्द्र मोदी, उत्तर प्रदेशका मुख्यमन्त्री योगी आदित्यनाथ र उत्तरप्रदेशका पूर्व मुख्यमन्त्री अखिलेश यादवले ट्विट गर्दै दु:ख व्यक्त गरेका छन्। 

प्रधानमन्त्री मोदीले गिरिले समाजका अनेक विचारधारालाई एकसाथ जोड्का लागि ठूलो भूमिका खेलेको बताएका छन्। 

Prayagraj: President of Akhil Bharatiya Akhada Parishad, Mahant Narendra Giri found dead at his Baghambari Math located residence. A forensic team & a special team is carrying out the investigation, senior officials also present. Details awaited.

(File photo) pic.twitter.com/f8E6Y0mZTL

— ANI UP (@ANINewsUP) September 20, 2021