‘ब्राजिलबाट आयात गरिएको चिकेनमा पनि कोरोना भाइरस’

एजेन्सी- चीनमा ब्रजिलबाट आयात गरिएको फ्रोजन चिकेनमा कोरोना भाइरस भेटिएको छ।

इक्वेडरबाट आयातित खाद्य वस्तुमा कोरोना भेटिएको दाबी गरेको केही समयमा चीनमा ब्रजिलबाट आयात गरिएको चिकेन (कुखुराको मासु) मा कोरोना भाइरस भेटिएको समाचार सार्वजनिक भएको हो।

यो घटनापछि चीनको शेन्जेन सहरमा ग्राहकहरुलाई चिकेन खरिद गर्दा र खाँदा साबधान रहनसमेत सूचित गरिएको छ।

कोरोना भाइरसको महामारी सुरु भएपछि चीनले गत जुनदेखि ब्रजिललगायत थुप्रै देशबाट मासु आयातमा प्रतिबन्ध लगाएको थियो।

तर केही समयपछि नै चीनले उक्त निर्णय फिर्ता लिएको थियो। सेन्जेनको स्थानीय डिजिज कन्ट्रोल सेन्टर सीडीसीले नियमित जाँचका क्रममा ब्रजिलबाट आयात गरिएको चिकेनमा कोरोना पोजेटिभ पाइएको दाबी गरसेको छ।

यो भनाइलाई पुष्टि गर्न चीनले ब्रजिलबाट आएको अन्य खाद्य सामग्रीको कारोना रिपोर्ट भने नेगेटिभ पाइएको बताएको छ।

यसअघि चीनको शानदोङ प्रान्तको उत्तरी सहर यान्ताईमा आयातित एक खाद्य सामग्रीका केही प्याकेटमा कोरोना भाइरस भेटिएको थियो।

साथै चीनको एक सरकारी संचारमाध्यमले बुधबार वुहु सहरमा एक्वेडरबाट आएको एउटा खाद्य सामग्रीको प्याकेटमा कोरोना भाइरस भेटिएको बताएको थियो।
यो समाचार रोयटर्सलगायत विभिन्न सञ्चारमाध्यममा प्रकाशित समाचारका आधारमा तयार पारिएको हो।