मोटरसाइकलको ठक्करबाट एकको मृत्यु

विराटनगरमा मोटरसाइकलको ठक्करबाट घाइते भएका एक पुरुषको शुक्रबार राति मृत्यु भएको छ।

नेपाल समय | शनिबार, असोज २, २०७८

नेपाल समय

शनिबार, असोज २, २०७८

विराटनगर- विराटनगरमा मोटरसाइकलको ठक्करबाट घाइते भएका एक पुरुषको शुक्रबार राति मृत्यु भएको छ। विराटनगर महानगरपालिका–६ मा प्रदेश १–०२–०४४ प ९१० नम्बरको मोटरसाइकलले ठक्कर दिँदा विराटनगर–११ का ६० वर्षीय रामलखन साहको मृत्यु भएको हो।

साँझ ६ बजेतिर भएको दुर्घटनामा गम्भीर घाइते भएका साहको उपचारका क्रममा नोबेल शिक्षण अस्पतालमा राति १२ : ३० बजेतिर मृत्यु भएको मोरङ प्रहरीका प्रवक्ता डिएसपी दीपक श्रेष्ठका बताए।

तीव्र गतिमा रहेको मोटरसाइकलले ठक्कर दिँदा पैदल हिँडिरहेका साहको टाउको र शरीरका विभिन्न भागमा चोट लागेको थियो। दुर्घटनापछि फरार बनेका मोटरसाइकल चालक विराटनगर–६ का अन्दाजी ३० वर्षीय ओमप्रकाश कामतको खोजी तीव्र पारिएको डिएसपी श्रेष्ठले बताए ।

प्रकाशित: Sep 18, 2021| 07:39 शनिबार, असोज २, २०७८