एभर्टोनको आत्मघाती गोलबाट टोटेनहम विजयी

इंग्लिस प्रिमियर लिग (ईपीएल) अन्तर्गत सोमबार राति भएको खेलमा टोटेनहमले एभर्टोनलाई पराजित गरेको छ । टोटेनहम हट्स्पुर मैदानमा सम्पन्न खेलमा पहुना टोली एभर्टोनले १-० गोलको हार बेहोरेको हो।

प्रतिस्पर्धात्मक खेलको २४ औं मिनेटमा एभर्टोनका माइकल केइनल आफ्नै पोस्टमा गोल गरे। उनले आत्मघाती गोल गरेसँगै घरेलु टिमले एक गोल उपहार पायो। साथै पहिलो हाफमा टोटेनहम एक गोलले अघि रह्यो।

दोस्रो हाफमा दुवै टिमले गोल गर्न नसेपछि पहिलो हाफको आत्मघाती गोल नै निर्णायक बन्यो । जितसहित टोटेनहम अंकतालिकाको ८ औं स्थानमा छ। उसले ३३ खेलमा १३ जित र ९ बराबरी खेल्दै ४८ अंक बनाएको हो।

यता हारको सामना गरेको एभर्टोन ४४ अंकका साथ ११ औं स्थानमा छ।

इंग्लिस प्रिमियर लिगमा आज वाटफोर्ड र नर्विच सिटीबीच राति पौने ११ बजे प्रतिस्पर्धा हुँदै छ भने क्रिस्टल प्यालेस र चेल्सी राति पौने ११ बजे नै मैदान उत्रिदै छन् । आर्सनल र लेस्टर सिटीबीच राति १ बजे खेल हुँदैछ ।