रामोस र कार्वाखलले अलाभेसविरुद्धको खेल गुमाउने

एजेन्सी– स्पेनिस क्लब रियल मड्रिडका डिफेन्डर एवम् कप्तान सिर्जियो रामोस र अर्का डिफेन्डर डेनियल कार्वाखलले आउँदो शुक्रबार हुने अलावेससँगको खेल गुमाउने भएका छन्। उनीहरुले आइतबार रातिको खेलमा पहेंलो कार्ड पाएसँगै अर्को खेलमा सहभागी नहुने भएका हुन।

रामोसले खेलको ९० मिनेटमा इडर माइलिताओमाथि भएको फउलको विरोध गरेपछि उनलाई रेफ्री जोस लुइस गोन्जालेजले पहेँलो कार्ड देखाए।

त्यस्तै कार्वाखलले आइतबारको खेलमा जारी सिजनको दशौँ पहेँलो कार्ड पाएका छन्। खेल सकिने क्षणमा थियो, कार्वाखल मिडफिल्डर लुका मोड्रिचर आइकल मुनियनको बीचमा आएक कारण पहेँलो कार्ड पाए।

क्लबका अर्का खेलाडी नाचो फर्नान्डेज पनि चोटका कारण स्क्वाड बाहिर रहेको अवस्थामा जिनेदिन जिदानेको साइडलाई अप्ठ्यारो परेको छ।

अबको स्क्वाडमा मिलितियानो रामोसको ठाउँमा देखिन सक्नेछन्। जसमा दुई अन्य विकल्प पनि छन्। एक फल्र्यान्ड मेन्डी जसले दोस्रो हाफमा खेल्न सक्नेछन् र अर्का हुन् लुकास वास्क्वेज।

ग्यालिसियन खेलाडी लुकासले रियल मड्डिको हाइ प्रोफाइल गेम खेलिसकेका छन्। उनले सन् २०१८ मा च्याम्पियन्स लिगमा जर्मन लिग विजेता बायर्न म्युनिखविरुद्ध खेलेका थिए।