एजेन्सी– इंग्लिस प्रिमियर लिग अन्तर्गत गएराति सम्पन्न खेलमा लिभरपुलले पाहुना टोली एस्टोन भिल्लालाई २–० गोलले पराजित गरेको छ। लिभरपुलको मैदान एनफिल्डमा सम्पन्न खेलमा घरेलु टिमले जित निकालेको हो।
जितका लागि वेंगर सादियो माने र मिडफिल्डर कर्टिस जोन्सले गोल गरे। पहिलो हाफ गोलरहित बराबरी भएको खेलमा दुवै गोल दोस्रो हाफमा सम्भव भयो।
नाबी केठको पासमा मानेले खेलको ७१ औं मिनेटमा गोल गरे। मानेले बनाएको अग्रतालाई जोन्सले निर्धारित समयभन्दा एक मिनेट अघि गोल गर्दै दोब्बर बनाए।
२ गोलको अग्रतासँगै सम्पन्न खेलबाट लिभरपुलले आफ्नो खातामा ३ अंक थपेको छ। ८९ अंकसँगै शीर्षस्थानको लिभरपुल ७ खेल अगाबै लिग विजेता बनिसकेको छ।
यता र बेहोरेको एस्टोन भिल्ला २७ अंकका साथ रेलिगेसन जोनमा छ।