चार महिनापछि सुरु भयो जे लिग

एजेन्सी– कोराना महामारीका कारण रोकिएको जापानको व्यावसायिक फुटबल लिग (जे लिग) चार महिनापछि शनिबारबाट सुरु भएको छ।

नेपाल समय | आइतबार, असार २१, २०७७

नेपाल समय

आइतबार, असार २१, २०७७

पहिलो चरणका खेल भएर फेब्रुअरीबाट ठप्प खेल शनिबारदेखि बन्द रंगशालामा पुनः सुरु भएको हो।

महामारीअघि लिगको पहिलो चरणका खेलमा मात्र सम्पन्न भएका थिए। महामारीपछि मैदान फर्किएको लिगमा शनिबार नै दोस्रो चरणका ९ खेल सम्पन्न भए। जे लिगमा १८ क्लब छन्।

सम्पन्न दुई खेलमा जित निकाल्दै साफ्रिसे हिरोसिमा शीर्षस्थानमा छ। त्यस्तै दोस्रो स्थानको टोकियोको ३ अंक छ।

जापानी सरकारले यो महिनाको अन्त्यसम्ममा समर्थकको उपस्थिति हुने गरी नै खेल गराउने योजना बनाएको छ। यद्यपि टोकियो लगायतका जापानी सहरमा कोरानाको महामारी बढ्दो छ।

साढे १२ करोड जनसंख्या भएको जापानमा कोरोनाका कारण अहिलेसम्म एक हजार जना मानिसको मृत्यु भइसकेको छ।

प्रकाशित: Jul 05, 2020| 13:07 आइतबार, असार २१, २०७७