ब्रेसियाविरुद्ध इन्टर मिलानको ६ गोल

बुधबार राति सम्पन्न खेलमा घरेलु टिम इन्टर मिलानले ब्रेसियामाथि ६–० गोल अन्तरको सानदार जित निकालेको छ। गिउसेप्पे मेजा रंगाशालामा सिरी ए अन्तर्गतको खेलमा मिलानले सानदार जित निकालेको हो।

जितका लागि अश्ले योङ, अलेक्स सान्चे, डानियालो अम्ब्रोसियो, राबर्टो ग्यालिआर्दिनी, क्रिस्टियन एसिक्सन र एन्टोनी क्यान्डेरेवाले एक–एक गोल गरे। अश्लेले खेलको पाँचौ मिनेटमै गोल गर्दै सुरुवाती अग्रता दिलाए। त्यस्तै सान्चेले २० औं मिनेटमा पेनाल्टीमा पाएको अवसरको सदुपयोग गर्दै गोल गरे। उनको गोलसँगै दुई गोलको अग्रता बनाएका इन्टरका अम्ब्रोसियाले ४५ औं मिनेटमा अग्रतालाई तेब्बर बनाए।

पहिलो हाफमा तीन गोलको अग्रता बनाएको घरेलु टिमले दोस्रो हाफमा पनि तीन गोल नै गर्यो।

५२ औं मिनेटमा ग्यालिआर्दिनीले र ८३ औं मिनेटमा एसिक्सने गोल गरे। खेलको निर्धारित समयभन्दा २ मिनेटभन्दा अघि गोल गर्दैै क्यानडेरेवाले जितलाई आधा दर्जन गोलमा पुर्याए।

जितसँगै इन्टरको ६४ अंक छ। ऊ लिगको तेस्रो स्थानमा छ। यता लज्जास्पद हार बेहोरेको ब्रेसिया भने अंकतालिकाको पुछारमा छ।

अन्य खेलः

बोलोग्ना १-१ क्यालिग्री
लिसे १-२ साम्दोरिया
फियोरेन्टिना १-३ सौसेलो
स्पल २-२ एसी मिलान
भरोना ३-२ पार्मा

सिरी एक अन्तर्गत आजका खेल

एटलान्टा र नेपोली राति सवा ११ बजे
रोमा र उडिनेस राति साढे १ बजे