रियल मड्रिडको जितका लागि कासिमेरोको निर्णायक गोल

एजेन्सी– ला लिगा अन्तर्गत गएराति सम्पन्न खेलमा दोस्रो स्थानको रियलम मड्रिडले जित निकाल्दै शीर्ष स्थानमा उक्लिएको छ।

एस्पानोयलको कोर्नेला–एल¬–प्राट रंगशालामा सम्पन्न खेलमा घरेलु टिमलाई हराउँदै रियल शीर्षस्थानमा उक्लिएको हो।

रियल मड्रिडले सुरुवाटै एस्पोयलमाथि दबाब बनाएको भए तापनि गोल गर्न भने चुक्यो। तर पहिलो हाफको इन्ज्युरी समयमा कासिमेरोले गोल गर्दै रियललाई सुरुवाती अग्रता दिलाएका थिए। उनले करिम बेन्जेमाको पासमा गोल गरे।

दोस्रो हाफमा रियलले गोल गर्न नसकेपछि कासिमेरोको गोल नै निर्णाक बन्यो।

जितसहित अंकतालिकाको शीर्ष स्थानमा रहेको रियल मड्रिडको ७१ अंक छ। त्यस्तै दोस्रो स्थानको बार्सिलोनाको ६९ अंक छ।

एक खेल अघिसम्म दुवै क्लबको समान अंक थियो। तर अघिल्लो खेलमा बार्सिलोनाले सेल्टा भिगोसँग बाराबरी खेलेसँगै उसले २ अंक गुमायो।

यता रियलसँग हारको सामना गरेको एस्पानोयल २४ अंकका साथ अंकतालिकाको पुछारमा छ।