प्रदेश सांसदद्वारा खेलकुद सामग्री हस्तान्तरण

विराटनगर– प्रदेश १ सांसद यशोदा अधिकारीले विराटनगरको एक क्वललाई खेल सामग्री हस्तान्तरण गरेकी छिन् । विराटनगर–११ विराट बुद्ध स्पोर्टिङ क्लबलाई शनिबार एक खेलकुद सामग्री प्रदान गरिएको हो ।

प्रदेश सांसद अधिकारीले क्लबलाई फुटबल खेलका खेलकुद सामग्री हस्तान्तरण गरेकी छन् । दुई लाख ३० हजार रुपैयाँ बराबरको खेलकुद सामग्री क्लबलाई प्रदान गरिएको क्लबका सचिव खेम थापाले बताए ।

सांसद विकास कोषको १ लाख ९७ हजार रुपैयाँ र क्लबको आन्तरिक स्रोतको ३३ हजार रुपैयाँको फुटबल खेलका सामग्री खरिद गरिएको क्लबका अध्यक्ष रोहितकुमार कोइरालाले बताए । खेलाडीका लागि ट्रयाकसुट ६० जोर, जर्सी २५ जोर, फुटबल बुट २५ जोर, नेट १ सेट र फुटबल ३० थान क्लबलाई प्रदान गरिएको थियो ।

सांसद अधिकारीले खेलकुदका माध्यमबाट एउटा स्वास्थ्य समाज निर्माण गर्न सकिने भएकाले आफ्नो कोषबाट क्लबलाई सहयोग गरेको बताइन् । ‘क्लबले खेलकुदका माध्यमबाट एउटा स्वास्थ्य समाज निर्माण गर्नुका साथै खेल र खेलाडीको स्तर वृद्धि गर्दै जान सके अझ राम्रो हुन्थ्यो,’ अधिकारीले भनिन्, ‘कोरोनाको महामारी सामान्य भए महिला फुटबल गर्नुहोस् सहयोग गरौंला । किनभने महिला खेलाडीलाई तपाईहरूले विशेष प्राथमिकता दिनुपर्छ ।’