प्रदेश १ मा दुई मन्त्री र तीन राज्यमन्त्रीद्वारा शपथ ग्रहण

मोरङ- प्रदेश १ का नवनियुक्त दुई मन्त्री र तीन राज्यमन्त्रीले शपथ ग्रहण छन्। प्रदेश प्रमुख सोमनाथ अधिकारीले बुधबार साँझ एक समारोहबीच नवनियुक्त मन्त्री र राज्यमन्त्रीहरुलाई पद तथा गोपनियताको शपथ ग्रहण गराएका हुन्। 

शपथ लिनेहरुमा आर्थिक मामिला तथा योजनामन्त्री तुलसीप्रसाद न्यौपाने, भूमि व्यवस्था, कृषि तथा सहकारी मन्त्री हिरा थापा, आन्तरिक मामिला तथा कानुन राज्यमन्त्री लिलावल्लभ अधिकारी, भूमि व्यवस्था, कृषि राज्यमन्त्री ज्ञानेश्वर राजववंशी, उद्योग, पर्यटन, वन, वातावरण राज्यमन्त्री उत्तमकुमार बस्‍नेत रहेका छन्। 

मुख्यमन्त्री भीम आचार्यले बुधबार ती मन्त्रीहरुलाई नियुक्त गरेर मन्त्रिपरिषद् विस्तार गरेका हुन्। 

अल्पमतमा परेका मुख्यमन्त्री आचार्यले मन्त्रिपरिषद् विस्तार गर्न लागेको भन्दै एमालेका तीन सांसदले भने मन्त्री बन्‍न अस्वीकार गरेका छन् । एमाले प्रमुख सचेतक बुद्धिकुमार राजभण्डारी, सांसद बिमल कार्की, निवर्तमान राज्यमन्त्री राजकुमार ओझाले मन्त्री पद अस्वीकार गरेका हुन् ।