कोरोना : कुन प्रदेशको अवस्था कस्तो ?

कोरोना भाइरसबाट नेपालमा हालसम्म ४ हजार ३६४ जना संक्रमित भएका छन् भने ६७४ जना संक्रमित संक्रमणबाट मुक्त भएका छन् ।

हालसम्म कोरोनाका कारण मृत्यु हुनेको संख्या १५ पुगेको छ भने हाल नेपालभर एक लाख ७२ हजार २६६ मानिस सम्भावित संक्रमित हुन सक्न भन्दै क्वारेन्टिनमा छन् ।

कुन प्रदेशको अवस्था कस्तो ?

प्रदेश १
प्रदेश १ मा हालसम्म १३ जिल्लामा कोरोना संक्रमित भेटिएका छन् भने ओखलढुंगामा संक्रमित भेटिएका छैनन् । आजको दिनसम्म ३ सय १ जना संक्रमित भएका छन् भने १ सय २६ जना संक्रमित डिस्चार्ज भएका छन् ।

हाल आइसोलेसनमा १ सय ७५ जना संक्रमित उपचाररत छन् । प्रदेश १ मा अहिलेसम्म कुनै पनि संक्रमितको मृत्यु भएको छैन । ४ हजार ५ सय ४२ जना मानिसहरु क्वारेन्टिनमा छन् ।

प्रदेश २

प्रदेश २ का सबै ८ वटा जिल्लाहरुमा कोरोनाका संक्रमितहरु भेटिएका छन् । सबैभन्दा धेरै संक्रमित रहेको प्रदेश २ मा कोरोनाको कारण १ जनाको मृत्यु भएको छ । हालसम्म प्रदेश २ मा १ हजार ५ सय ९२ जना संक्रमित भएकोमा २ सय ७३ जना संक्रमणमुक्त भएका छन् ।

हाल १ हजार ३ सय १८ जना कोरोना संक्रमितहरु आइसोलेसनमा छन् । यस प्रदेशमा आजको दिनमा १९ हजार ७ सय ५५ जना मानिसहरु क्वारेन्टिनमा छन् ।

बागमती प्रदेश

सबैभन्दा कम संक्रमित भएको बागमती प्रदेशमा जम्मा ४ जनाको कोरोनाको कारण मृत्यु भएको छ ।

रसुवा बाहेक सबै जिल्लामा फैलीएको कोरोनाका कारण बागमतीमा अहिलसेसम्म १ सय ४० जना कोरोना संक्रमितका बिरामीहरु भेटिएको यस प्रदेशमा ३७ जना कोरोनामुक्त भएका छन् भने ९९ जना आइसोलेसनमा छन् । हाल ३ हजार ४४ जना क्वारेन्टिनमा छन् ।

गण्डकी प्रदेश

गण्डकी प्रदेशमा हालसम्म १ सय ४७ जना संक्रमितहरु भेटिएकामा ४ जना संक्रमितहरु कोरोनामुक्त भएका छन् । हाल १ सय ४२ जना आइसोलेसनमा छन् भने १ जनाको मृत्यु भएको छ ।

हाल गण्डकी प्रदेशमा १३ हजार ७ सय ४६ जना मानिसहरु क्वारेन्टिनमा छन् । गण्डकी प्रदेशको मनाङ र मुस्ताङमा हालसम्म कुनैपनि संक्रमित भेटिएका छैनन् ।

प्रदेश ५

प्रदेश ५ मा पनि सबै जिल्लामा कोरोना संक्रमितहरु भेटिएका छन् । यस प्रदेशमा १ हजार ३ सय १५ जना कुल संक्रमित भेटिएकोमा १ सय ९६ जना संक्रमितहरु कोरोनामुक्त भएर अस्पतालबाट डिस्चार्ज भएका छन् ।

हाल ११ सय १५ जना संक्रमितहरु आइसोलेसनमा छन् भने ३८ हजार २ सय ९१ जना क्वारेन्टिनमा छन् । प्रदेश ५ मा हालसम्म कोरोना संक्रमणका कारण ४ जनाको मृत्यु भएको छ ।

कर्णाली प्रदेश

कर्णाली प्रदेशमा एक जिल्ला रुकुम पश्चिम बाहेक सबै जिल्लामा संक्रमित भेटिएका छन् । हालसम्म ७ सय ४ संक्रमितहरु भेटिएको कर्णलाी प्रदेशमा ३ जनाको मृत्यु भएको छ ।

हाल ६ सय ७६ जना संक्रमितहरु आइसोलेसनमा छन् भने २५ जना संक्रमितहरु अस्पतालबाट कोरोनामुक्त भएर डिस्चार्ज भएका छन् । कर्णालीमा २९ हजार ९ सय ९८ जना क्वारेन्टिनमा छन् ।

सुदूरपश्चिम प्रदेश

सुदूरपश्चिममा सबैभन्दा धेरै ६२ हजार ९ सय २ जना क्वारेन्टिनमा रहेका छन् । यस प्रदेशमा जम्मा १ सय ६५ जना कोरोना संक्रमित भेटिएकोमा १३ जना कोरोनामुक्त भएका छन् भने २ जनाको मृत्यु भएको छ ।

हाल आइसोलेसनमा १ सय ५० जना संक्रमित छन् । सुदूरपश्चिमका सबै जिल्लामा संक्रमितहरु भेटिएका छन् ।