कपिलवस्तुमा एकैपटक १० जनामा कोरोना पुष्टि, संक्रमितको संख्या १२० पुग्यो

सोमबार एकैपटक थप दश जनामा कोरोनाको संक्रमण पुष्टि भएको छ । संक्रमित दशै जना कपिलवस्तुका रहेको स्वास्थ्य मन्त्रालयले जनाएको छ ।

नेपाल समय | सोमबार, वैशाख २९, २०७७

नेपाल समय

सोमबार, वैशाख २९, २०७७

काठमाडौं- सोमबार कपिलवस्तुका थप दश जनामा कोरोनाको संक्रमण पुष्टि भएको छ ।

यो सँगै नेपालमा कोरोना संक्रमितको संख्या १ सय २० पुगेको छ भने कपिलवस्तुमा मात्रै १५ जना संक्रमित भएका छन् ।

यसअघि शनिबार ८ जनामा कोरोना पुष्टि भएकोमा ४ जना उदयपुर ३ जना कपिलवस्तु र एक जना रौतहटका थिए । कपिलवस्तुमा त्यसअघि पनि भारतको मुम्वईबाट लुकिछिपी नेपाल प्रवेश गरेका दुई युवामा संक्रमण पुष्टि भएको थियो

आज (सोमबार) संक्रमण पुष्टि भएकाहरु कपिलबस्तुको यशोधरा गाउँपालिका ५ र बुद्धभूमि नगरपालिका ७ र १० नम्बर वडाका बासिन्दा रहेका छन् ।

संक्रमित सबै पुरुष हुन् । उनीहरु १८ देखि ३४ वर्ष उमेर समुहको रहेको स्वास्थ्य मन्त्रालयले जारी गरेको विज्ञप्तिमा उल्लेख छ ।

प्रकाशित: May 11, 2020| 08:51 सोमबार, वैशाख २९, २०७७