थप ७ जनामा कोरोना पुष्टि, संक्रमितको संख्या १०९

नेपालमा कोरोना भाइरसबाट संक्रमितको संख्या १०९ पुगेको छ। स्वास्थ्य तथा जनसंख्या मन्त्रालयका अनुसार आज शनिबार थप ७ जनामा संक्रमण पुष्टि भएसँगै कुल संक्रमितको संख्या १०९ पुगेको हो।

नेपाल समय | शनिबार, वैशाख २७, २०७७

नेपाल समय

शनिबार, वैशाख २७, २०७७

थप ७ जनामा कोरोना पुष्टि, संक्रमितको संख्या १०९

काठमाडौं- शनिबार एकैपटक थप सात जनामा कोरोनाको संक्रमण पुष्टि भएको छ ।

उदयपुरका ३, कपिलवस्तुका ३ र रौतहटका १ जनामा संक्रमण पुष्टि भएको स्वास्थ्य मन्त्रालयले जनाएको छ । यो सँगै नेपालमा कोरोना संक्रमितको संख्या १ सय ९ पुगेको छ ।

मन्त्रालयले जनाएअनुसार संक्रमितहरुमा उदयपुरको भुल्के निवासी १८, ४५ र ६५ वर्षीय तीन जना महिला रहेका छन् । उनीहरुको कोशी अस्पताल विराटनगरको प्रयोगशालामा पीसीआर टेस्ट गरिएको थियो ।

यस्तै कपिलवस्तुमा दुई जना १८ वर्षीय र एकजना १७ वर्षीय युवामा संक्रमण देखिएको छ । पर्साको छपकैया निवासी ६२ वर्षीय पुरुषमा पनि कोरोनाको संक्रमण पुष्टि भएको मन्त्रालयले जारी गरेको प्रेस विज्ञप्तिमा उल्लेख छ ।

उनीहरुको काठमाडौंको टेकु स्थित राष्ट्रिय जनस्वास्थ्य प्रयोशालामा परिक्षण गरिएको थियो ।

प्रकाशित: May 09, 2020| 08:22 शनिबार, वैशाख २७, २०७७