कोरोनाबाट मर्नेको संख्या २ लाख २ हजार नाघ्यो, के के भयो २४ घण्टामा ?

काठमाडौं- विश्वव्यापी महामारीको रुपमा फैलिएको कोरोना भाइरसबाट मृत्यु हुनेको संख्या २ लाख २ हजार ४ सय ५५ पुगेको छ ।

जोन हपकिन्स विश्वविद्यालयका अनुसार कोरोनाबाट २८ लाख ९२ हजार ५ सय ८ जना संक्रमित भएका छन् । पछिल्लो २४ घण्टामा मात्रै ९० हजार ५ सय १० नयाँ संक्रमित थपिएका छन् भने ६ हजार ५५ जनाको मृत्यु भएको छ।

कोरोनाबाट सबैभन्दा बढि प्रभावित भएको अमेरिकामा पछिल्लो २४ घण्टामा ३५ हजार २ सय ९३ संक्रमित भेटिएका छन् भने २ हजार ५५ जनाको मृत्यु भएको छ । अमेरिकामा कोरोना संक्रमितको संख्या ९ लाख ३६ हजार २ सय ९३ पुगेको छ भने मृतकको संख्या ५३ हजार ६ सय ९४ पुगेको छ ।

यस्तै स्पेनमा शनिबार मात्रै ३ हजार ९ सय ९५ जनामा संक्रमण पुष्टि भएको छ भने ३ सय ७८ जनाको मृत्यु भएको छ । स्पेनमा संक्रमितको संख्या २ लाख २३ हजार ७ सय ५९ पुगेको छ भने २२ हजार ९ सय २ जनाको मृत्यु भएको छ ।

इटालीमा पछिल्लो २४ घण्टामा ३ हजार ३ सय ५७ जना संक्रमित थपिएका छन् भने ४ सय १५ जनाको मृत्यु भएको छ । इटालीमा संक्रमितको संख्या १ लाख ९५ हजार ३ सय १५ पुगेको छ भने मृतकको संख्या २६ हजार ३ सय ८४ पुगेको छ ।

फ्रान्समा शनिबार मात्रै १ हजार ६ सय ६० जना नयाँ संक्रमित थपिदा ३ सय ६९ जनाको मृत्यु भएको छ । फ्रान्समा १ लाख ६१ हजार ६ सय ३९ जना संक्रमित भएका छन् भने २२ हजार ६ सय ४८ जनाको मृत्यु भएको छ ।

जर्मनमीमा पछिल्लो २४ घण्टामा १ हजार ४ सय १९ मा कोरोना पुष्टि भएको छ भने १ सय १३ जनाको मृत्यु भएको छ । यहाँ संक्रमितको संख्या १ लाख ५६ हजार ४ सय १८ पुगेको छ भने कोरोनाबाट ज्यान गुमाउनेको संख्या ५ हजार ८ सय ७३ रहेको छ ।

यस्तै बेलायतमा शनिबार मात्रै ४ हजार ९ सय १३ जना नयाँ संक्रमित थपिदा ८ सय १३ जनाको मृत्यु भएको छ । बेलायतमा अहिलेसम्म १ लाख ४९ हजार ४ सय ६९ जना संक्रमित हुँदा २० हजार ३ सय ८१ जनाको मृत्यु भएको छ ।

टर्कीमा संक्रमितको संख्या १ लाख ७ हजार ७ सय ७३ पुगेको छ भने २ हजार ७ सय ७ जनाको मृत्यु भएको छ । टर्कीमा पछिल्लो २४ घण्टामा २ हजार ८ सय ६१ जना संक्रमित थपिदा १ सय ६ जनाको मृत्यु भएको छ ।

छिमेकी मुलुक भारतमा संक्रमितको संख्या २६ हजार २ सय ८३ पुगेको छ भने मृतकको संख्या ८ सय २५ पुगेको छ । शनिबार मात्रै भारतमा १ हजार ८ सय ३६ जना संक्रमित हुँदा ४५ जनाको मृत्यु भएको छ ।

नेपालमा भने पछिल्लो २४ घण्टामा नयाँ संक्रमित भेटिएको छैन् । नेपालमा अहिलेसम्म ४९ जनामा कोरोनाको संक्रमण पुष्टि भएको छ ।