अमेरिकामा २४ घण्टामा ३७ हजार ३ सय संक्रमित, मृतकको संख्या ५१ हजार नाघ्याे

काठमाडौं- तिब्र गतिमा फैलिएको कोरोना भाइरसबाट अमेरिकामा एकै दिनमा ३७ हजार ३ सय ७० जना संक्रमित भएका छन् । योसँगै संक्रमितको संख्या अमेरिकामा ८ लाख ९० हजार ५ सय २४ पुगेको छ ।

कोरोनाबाट सबैभन्दा बढि आक्रान्त भएको अमेरिकामा अहिलेसम्म ५१ हजार १७ जनाको मृत्यु भएको छ । शुक्रबार मात्रै १ हजार ८ सय ६३ जनाको मृत्यु भएको छ ।

अमेरिकामा हरेक दिन २५ देखि ३५ हजारसम्म नयाँ संक्रमित भेटिने गरेको छ भने २ हजार भन्दा धेरैको मृत्यु हुने हुने गरेको छ । बिहीबार ३१ हजार ८ सय ८९ जना नयाँ संक्रमित भेटिएको थियो भने २ हजार ३ सय ४० जनाको मृत्यु भएको थियो ।

बुधबार ३० हजार १ सय ५६ जना संक्रमित हुँदा २ हजार ३ सय ५८ जनाको मृत्यु भएको थियो । मंगलबार २६ हजार ८४ जनामा संक्रमण पुष्टि हुँदा २ हजार ६ सय ६ सय ८३ मृत्यु भएको थियो ।

अमेरिकामा कोरोनाबाट संक्रमित र मृत्यु हुनेको संख्या सबैभन्दा बढि न्यूयोर्कमा रहेको छ । यो राज्यमा मात्रै २ लाख ७७ हजार ४ सय ४५ जना कोरोनाबाट संक्रमित भएका छन् भने २१ हजार २ सय ९१ जनाको मृत्यु भएको छ ।