दक्षिण एसियामा कोरोनाको के छ अवस्था ?

विश्वभर फैलिएको कोरोनाभाइरस महामारीबाट विश्वभर एक लाख ९१ हजारभन्दा बढीको मृत्यु भएको छ भने २७ लाख ३३ हजार व्यक्ति संक्रमित भएका छन् ।

जोन्स हप्किन्स विश्वविद्यालयका अनुसार नेपाली समयअनुसार शुक्रबार मध्यान्हसम्ममा संयुक्तराज्य अमेरिकामा विगत २४ घण्टाको अवधिमा २ हजार ३०० जनाको मृत्यु भएको छ । यो सहित अमेरिकामा सबैभन्दा बढी ५० हजार २४३ जनाको मृत्यु भएको छ भने युरोपेली मुलुकहरुमा मृतकको संख्या १ लाख १४ हजार ३६२ जना पुगेको छ ।

दक्षिण एसियाली मुलुकहरुमध्ये सबैभन्दा बढी प्रभावित भारत छ। भारतमा २३,५०२ जनामा संक्रमण भएकोमा ७२२ को मृत्यु भएको छ भने ५,०१२ जना निको भएका छन्।

पाकिस्तानमा ११,१५५ संक्रमित भएकोमा २,५२७ निको भएका छन् भने २३७ को ज्यान गएको छ ।

बंगलादेशमा ४,१८६ जना संक्रमित भएका छन् । तीमध्ये १०८ जना निको भएका छन् भने १२७ को मृत्यु भएको छ।

अफगानिस्तानमा ४२ जनाको मृत्यु भएको छ । त्यहाँ कुल संक्रमित १,२७९ मध्ये १७९ जना निको भएका छन् ।

श्रीलंकामा ३७३ संक्रमित भएकामा १०७ जना निको भएका छन् भने ७ जनाको मृत्यु भएको छ ।

माल्दिभ्समा १०८ र नेपालमा ४८ जना संक्रमित छन् । भुटानमा भुटानमा ७ जनालाई संक्रमण भएको छ। दक्षिण एसियाका यी ३ देशमा कोरोनाबाट अहिलेसम्म कसैको मृत्यु भएको छैन।

युरोपेली मुलुकहरुमध्ये इटालीमा २५ हजार ५४९ जना, स्पेनमा २२ हजार १५७ जना, फ्रान्समा २१ हजार ८५६, बेलायतमा १८ हजार ७३८ जना, बेल्जियममा ६ हजार ४९० जना, जर्मनीमा ५ हजार ५७५ जना, नेदरल्यान्ड्समा ४ हजार १७७ जना, स्वीडेनमा २ हजार २१ जना, स्वीट्जरल्यान्डमा १ हजार ५५१ जना, रसियामा ६१५ जनाको मृत्यु भएको छ ।

यसैगरी, इरानमा ५ हजार ४८१ जना, चीनमा ४ हजार ६३२ जना, ब्राजिलमा ३ हजार ३३१ जना, मेक्सिकोमा १ हजार ६९ जना, भारतमा ७२२, इन्डोनेसियामा ६४७ जना, इक्वेडरमा ५६० जनाको मृत्यु भएको छ ।

रासस