१० एसएसपीको बढुवापछि प्रहरीमा १४ जना डीआईजी

गृह मन्त्रायलले नेपाल प्रहरीका १० जना वरिष्ठ उपरीक्षक (एसएसपी) लाई नायब महानिरीक्षक डीआईजी) मा बढुवा गर्न मन्त्रिपरिषदमा सिफारिस गरेको छ ।

बढुवा सिफारिस गरिएका मध्ये चार जना ०४९ वैशाखमा भर्ना भएका हुन् भने ६ जना ०४९ चैतमा भर्ना भएका अधिकृत।

नेपाल प्रहरीको वेबसाइटमा प्रकाशित सूची अनुसार बढुवा सिफारिसको १ नम्बरमा घनश्याम अर्याल छन् भने दोस्रो र तेस्रो नम्बरमा प्रकाशजंग कार्की र वसन्तकुमार पन्त छन्।
उनीहरुको ब्याचका शैलेश थापा क्षेत्री र हरिबहादुर पाल प्रहरी अतिरिक्ति महानिरीक्षक छन्।

एक वर्षपछि भर्ना भएको् टोलीबाट सहकुल थापा पहिलो नम्बरमा बढुवा भएका छन्। उनी अहिले महानगरीय अपराध अनुसन्धान महाशाखामा प्रमुख छन् ।

यसअघि महाशाखाको नेतृत्व सम्हालेका धिरजप्रताप सिंह आफ्नो ब्याचबाट दोस्रो नम्बरमा बढुवा भएका छन्। यो टोलीका विश्वराज पोखरेल गत वर्ष वैशाखमै डीआईजीमा बढुवा भइसकेका छन् ।

वसन्तकुमार लामा, रविन्द्रबहादुर धानुक, उत्तमराज सुवेदी र अरुणकुमार विसी पनि बढुवा सूचीमा समेटिएका छन्।

यसअघि नै प्रहरीमा ४ जना डीआईजी छन्। १० एसएसपीको बढुवासँगै नेपाल प्रहरीमा १४ जना डीआईजी हुने भएका छन्।