उच्चस्तरीय समिति बैठक केहीबेरमा, मन्त्रिपरिषद् ४ बजे

काठमाडौं- आज अपराह्न मन्त्रिपरिषद् बैठक बस्ने तयारी भएको छ।

अपरान्ह ४ बजेतिर बालुवाटारमा मन्त्रिपरिषद् बैठक बस्न लागेको प्रधानमन्त्रीका प्रेस सल्लाहकार सूर्य थापाले जानकारी दिएका छन्।

कोरोना संक्रमण रोकथाम तथा नियन्त्रण उच्चस्तरीय समन्वय समितिको बैठक अहिले केहीबेरमा सिंहदरबार बस्दै छ।

समितिले कोरोना संक्रमण जोखिम न्यूनीकरणका सम्बन्धमा विशेष कार्ययोजना तयार पार्ने र त्यसलाई मन्त्रिपरिषद बैठकले पारित गर्नेछ।

कोरोना भाइरस संक्रमणको खतरापछि सरकारले मंगलबारदेखि देशभर लकडाउन घोषणा गरेको थियो।

भारतमा तीन साताका लागि लकडाउन गरिएको अवस्थामा सरकाले पनि यस सम्बन्धमा केही नयाँ निर्णय लिन सक्ने बुझिएको छ।