दादुरा रुबेला खोप स्थगित

स्वास्थ्य मन्त्रालयले राष्ट्रिय दादुरा–रुबेला खोप अभियान सुरु नभएका स्थानहरुमा चैत मसान्तसम्मका लागि स्थगित गर्ने निर्णय गरेको छ। मन्त्रालले मन्त्रालयले फागुन र चैत महिनामा सञ्चालित राष्ट्रिय दादुरा–रुबेला खोप अभियान सञ्चालन सुरु नभएका पालिका, वडा र स्वास्थ्य संस्थाहरुमा स्थगित निर्णय गरेको हो।

परिवार कल्याण महाशाखाद्धारा सञ्चालित खोप अभियान अन्तर्गत हाल सञ्चालनमा रहेका नगरपालिका, वडा, स्वास्थ्य संस्थाहरुमा भने कार्यक्रम यथावत रहनेछन् । महाशाखाका प्रमुख झलक गौतमका अनुसार खोप अभियान सुरु नै नभएका स्थानमा भने चैत मसान्तसम्मका लागि खोप कार्यक्रम स्थगित भएको छ ।

खोप सेवा सञ्चालन गर्दा भीडभाड हुन नदिने व्यवस्था गरी सतर्कता अपनाउन मन्त्रालयले आग्रह गरेको छ। फागुन र चैतमा खोप अभियान सक्नेगरि तयारी गरिएको अभियान अन्र्तगत प्रदेश नं १, २ र ५ मा मा खोप अभियान सकिएको छ भने बाँकी प्रदेशमा करिब ५० प्रतिशत खोप लगाइएको महाशाखा प्रमुख गौतमले बताए । दादुरा रुबेलाको जोखिम बढेपछि खोप अभियान गर्नुपरेको गौतमले बताए ।