एक साताका लागि सम्पूर्ण खेल गतिविधि बन्द गर्ने राखेपको निर्णय

राष्ट्रिय खेलकुद परिषद्ले खेलकुदसँग सम्बन्धित सम्पूर्ण गतिविधि एक साताका लागि बन्द गर्ने निर्णय गरेको छ।

नेपाल समय | मंगलबार, चैत ४, २०७६

नेपाल समय

मंगलबार, चैत ४, २०७६

काठमाडौं - राष्ट्रिय खेलकुद परिषद्ले खेलकुदसँग सम्बन्धित सम्पूर्ण गतिविधि एक साताका लागि बन्द गर्ने निर्णय गरेको छ।

मंगलबार परिषद्का सदस्य सचिव रमेश कुमार सिलवालको अध्यक्षतामा बसेको बैठकले विश्वमा महामारीको रुपमा फैलिइरहेको कोरोना भाइरस (कोभिड-१९) का कारण एक साताका लागि खेलकुदसँग सम्वन्धित कुनै पनि प्रतियोगिता, प्रशिक्षण, सभा, सम्मेलन, गोष्ठी, सेमिनारलगायत मानवीय भेला हुने सम्पूर्ण गतिविधि बन्द गर्ने निर्णय गरेको हो।

एक साता पछि भने परिस्थिती हेरेर निर्णय गरिने राखेपले जनाएको छ। यसका साथै खेलाडी, प्रशिक्षक, खेल पदाधिकारी, कर्मचारी, खेलसँग सम्बन्धित ब्यक्तिहरु र आम जनमानसलाई पनि सचेतना अपनाउन परिषद्ले आग्रह गरेको छ।

प्रकाशित: Mar 17, 2020| 09:34 मंगलबार, चैत ४, २०७६