१५ घन्टामै ‘कमेडी च्याम्पियन’को भिडियो ‘ट्रेन्डिङ वान’मा

काठमाडौं– रियालिटी सो ‘कमेडी च्याम्पियन’को ग्रान्ड फिनाले भिडियो युट्युबको ‘ट्रेन्डिङ वान’मा परेको छ।

युट्युबमा शनिबार राति अपलोड भएको उक्त भिडियो १५ घन्टामै ‘ट्रेन्डिङ वान’मा परेको हो। उक्त भिडियो ६ लाख ६६ हजार पटक हेरिसकिएको छ।

शनिबार सम्पन्न ग्रान्ड फिनालेबाट धादिङका हिमेश पन्त ‘कमेडी च्याम्पियन’को उपाधि जितेका छन्।

युट्युबको ‘ट्रेन्डिङ’मा हास्य टेलिशृंखला ‘सक्किगोनी’ दोस्रो स्थानमा छ। दुई दिनअघि अपलोड गरिएको उक्त भिडियो १९ लाख पटक हेरिएको छ।