थ्री स्टार आहा रारा गोल्डकपको सेमिफाइनलमा

थ्री स्टार क्लब पोखरामा जारी १८ औं संस्करणको आहा रारा गोल्डकपको सेमिफाइनल प्रवेश गरेको छ। भारतीय टोली ग्यान्टोकलाई ३-० ले पराजित गर्दै थ्री स्टार सेमीफाइनल प्रवेश गरेको हो।

नेपाल समय | सोमबार, फागुन २६, २०७६

नेपाल समय

सोमबार, फागुन २६, २०७६

थ्री स्टार आहा रारा गोल्डकपको सेमिफाइनलमा

काठमाडौं - थ्री स्टार क्लब पोखरामा जारी १८ औं संस्करणको आहा रारा गोल्डकपको सेमिफाइनल प्रवेश गरेको छ। भारतीय टोली ग्यान्टोकलाई ३-० ले पराजित गर्दै थ्री स्टार सेमीफाइनल प्रवेश गरेको हो।

पोखरा रंगशालामा सम्पन्न खेलको पहिलो हाफ गोलरहित बराबरीमा सकिए पनि दोस्रो हाफमा सुशन श्रेष्ठले दुई र संजोग राईले एक गोल गरे।

खेलको ७९ औं मिनेटमा संजोगले गोल गर्दै सुरुवाती अग्रता दिलाए। खेलको अन्तिम मिनेटसम्म पनि नतिजा १-० थियो। तर, इन्ज्युरी समयमा सुशन श्रेष्ठले दुई गोल गर्दै गोलअन्तर ३-० पुर्‍याए।

दुई गोलसँगै उनी म्यान अफ द म्याचसमेत भए। ‘टिमलाई गोलको खाँचो थियो। अन्तिम समयसम्म गोल हुन सकिरहेको थिएन। त्यसैले कन्फिडेन्स भएर गोल गरेँ ’, उनले खेलपछि भने।

प्रकाशित: Mar 09, 2020| 11:24 सोमबार, फागुन २६, २०७६