दक्षिण अफ्रिकामा गोलीकाण्ड, ६ जनाको मृत्यु

दक्षिण अफ्रिकाको केप टाउनस्थित एक वस्तीमा अपरिचित व्यक्तिले गोली चलाउँदा कम्तीमा छ जनाको मृत्यु भएको प्रहरीले जनाएको छ । उनीहरूको घटनास्थलमा नै मृत्यु भएको थियो भने आक्रमणबाट अन्य सात जना सख्त घाइते भएका बताइएको छ ।

नेपाल समय | आइतबार, फागुन २५, २०७६

नेपाल समय

आइतबार, फागुन २५, २०७६

दक्षिण अफ्रिकामा गोलीकाण्ड, ६ जनाको मृत्यु

“खाउलित्सा नगरमा गोली चल्दा छ जनाको मृत्यु भएको र केही व्यक्ति घाइते भएका छन्,” प्रहरी प्रवक्ता नोभेला पोटेल्वाले बताए । गोली हान्ने व्यक्ति आक्रमणपछि भागेको र उसको परिचय खुलिनसकेको उनले बताए। घाइते सबैजनालाई स्थानीय अस्पतालमा उपचारका लागि भर्ना गरिएको छ । घाइतेमध्ये एक छ वर्षकी बालिका पनि रहेकी छन् ।

घटनापछि प्रहरीले आक्रमणकारीलाई नियन्त्रणका लागि पिछा गरे पनि उ उम्कन सफल भएको बताइएको छ । घटनाको कसैले जिम्मेवारी लिएको छैन ।
रासस

प्रकाशित: Mar 08, 2020| 23:08 आइतबार, फागुन २५, २०७६