सन्तोषी र गोपीलाई रोड रेसको उपाधि

काठमाडौं– वीर गणेशमान सिंह एडिडास टेन के रोड रेस प्रतियोगिताकाे उपाधि गोपीचन्द्र पार्की र सन्तोषी श्रेष्ठले जितेका छन्। काठमाडौंको दरबारमार्गमा शनिबार सम्पन्न प्रतियोगिताको पुरुषतर्फ गोपी र महिलातर्फ सन्तोषीले उपाधि जिते।

१३ औं दक्षिण एसियाली खेलकुद (साग)का स्वर्णधारी गोपीले ३२ मिनेट १.२ सेकेन्डमा निर्धारित दूरी पार गरे। उनले सागमा १५ सय मिटर दौडमा स्वर्ण जितेका थिए।

रेसमा सशस्त्र प्रहरीको विभागीय टोली एपीएफका खिमबहादुर खत्रीले ३४ मिनेट ३५ सेकेन्डमा दौड पूरा गर्दै दोस्रो भए। तेस्रो हुनेमा कर्णालीका नरेश बूढा रहे। उनले ३४ मिनेट ३५.१ सेकेन्डमा दौड पूरा गरे। श्रीकेश राई र अभिशेक पाचोक्ती क्रमशः चौथो र पाँचौं भए।

महिलातर्फ १३ औं सागमा स्वर्ण जितेकी सन्तोषीले निर्धारित दुरी ३९ मिनेट १०.९ सेकेन्डमा पार गरिन्। प्रतियोगितामा बिन्द्रा श्रेष्ठ दोस्रो भइन्। उनले ४० मिनेट ११.२९ सेकेन्डमा दुरी पार गरिन्। एपीएफकी फूलमती राना तेस्रो भइन्। उनले ५८.११ सेकेन्डमा दूरी पार गरेकी थिइन्। प्रतियोगितामा बिर्सना कुमाल चौंथो र रेखा बिष्ट पाँचौं भइन्।

प्रतियोगिताका उपाधि विजेताले ६० हजार रूपैयाँ पुरस्कार पाए। यस्तै, दोस्रोले ३०, तेस्रोले १५, चौथोले १० र पाँचौंले पाँच हजार रूपैयाँ पुरस्कार थापे।