रोनाल्डिन्हो पराग्वेमा पक्राउ

काठमाडौं - ब्राजिलका पूर्व फुटबल खेलाडी रोनाल्डिन्हो पराग्वेमा पक्राउ गरेका छन्। नक्कली राहदानीसहितका कागजात प्रयोग गरेको आरोपमा रोनाल्डिन्हो पाराग्वेमा पक्राउ परेका हुन्। बुधबार राति याट एण्ड गल्फ क्लब पाराग्वेबाट रोनाल्डिनो र उनका दाइ रोबेर्टो एसिस पक्राउ परेका हुन्र।

क्यासिनोका मालिक नेल्सन बेलोट्टीले उनीहरुलाई आमन्त्रित गरेका थिए। सोही क्रममा उनीहरु नक्कली कागजात प्रयोग गरी पाराग्वे पुगेका थिए। हाल रोनाल्डिन्होसँग ब्राजिलियन पासपोर्ट छैन । उनलाई ब्राजिलको अदालतले सन् २०१८ मा वातावरणीय जरिवाना स्वरुप ८५ लाख डलर जरीवाना गरिएको थियो । तर तर, उक्त जरिवाना तिर्न नसकेपछि उनको पासपोर्ट जफत गरियो र देश छोड्न प्रतिबन्ध लगाइयो। उनले बनाएको नक्कली पासपोर्टमा वास्तविक नाम, जन्ममिति उल्लेख छ। तर उनलाई पाराग्वेको नागरिक भनेर लेखिएको छ।

रोनाल्डिन्होले सन् २००२ मा ब्राजिलले विश्वकप जित्दा मुख्य भूमिका निभाएका थिए। उनी पिएजी, एसी मिलान तथा बार्सिलोनाका पूर्वखेलाडीसमेत हुन्।