तीन पटकका ओलम्पिक च्याम्पियनलाई स्वीमिङमा प्रतिबन्ध

चीन - तीन पटकका ओलम्पिक च्याम्पियन चिनियाँ पौडीबाज सन याङलाई स्वीमिङमा ८ वर्षको प्रतिबन्ध लागेको छ। उनले सन् २०१८ मा एन्टी डोपिङ रुल तोडेको भन्दै उनलाई प्रतिबन्ध लागेको हो।

२८ वर्षे पौडीबाजले गल्ती नगरेको भन्दै सुरुमा अन्तर्राष्ट्रिय स्वीमिङ फेडेरेसन(फिना)ले एक प्रतिवेदन पेस गरेको थियो। तर, उनलाई विश्व एन्टी डपिङ एजेन्सी(वाडा)ले अदालतमा मुद्दा दायर गरेपछि उनी ८ वर्षे प्रतिबन्धमा परेका हुन्। उनलाई पौडीमा यस्तो प्रतिबन्ध दोस्रो पटक लागेको हो।

सन् २०१४ मा प्रतिबन्धित मेडिसिन बोकेको भन्दै उनलाई तीन महिनाको प्रतिबन्द लगाइएको थियो। तर, अहिलेको प्रतिबन्धको विरुद्धमा सनले अदालतमा मुद्दा दायर गर्ने चिनियाँ समाचार एजेन्सी सिन्ह्वाले बताएको छ।

उनले भने, ‘यो न्यायसंगत भएन। म निर्दोष छु।’ उनले डोपिङ टेस्टका लागि घरमा आएका मानिसहरुले आफ्नो परिचय दिन नसकेको कारण आफूले टेस्ट नगरेको पनि बताएका छन्।

सनले सन् २०११ यता विश्वका ११ ठूला उपाधि जितिसकेका छ।