प्रदेशस्तरीय पुरुष भलिबलको उपाधि प्रमुख प्रशासकीय टिमलाई

अछाम - साफेबगरमा सोमबार सम्पन्न प्रथम प्रदेशस्तरीय खुला पुरुष भलिबलको उपाधि प्रमुख प्रशासकीय अधिकृतको टिमले जितेको छ। फाइनलमा आयोजक गिरिजाप्रसाद कोइराला फाउन्डेसनलाई ३-१ को सेटले पराजित गर्दै अधिकृतको टोलीले उपाधि आफ्नो पक्षमा पारेको हो।

पहिलो सेट २५-२३ ले जिते पनि आयोजक टिमले त्यसपछि कुनै सेट जित्न सकेन्। अधिकृतको टोलीले त्यसपछि २५-२०, २५-२२ र ३०-२८ ले खेल जित्दै उपाधि आफ्नो पक्षमा पार्यो।

उपाधिसंगै अधिकृतको टिमले ट्रफिसहित नगद ५ लाख तथा उपविजेता बनेको फाउन्डेसनले २ लाख ५० हजार पाएको छ। प्रतियोगिताको तृतिय स्थान एन्जिला पुस्तक पसलले जित्यो।

पुरस्कार कार्यक्रममा महिला क्रिकेट टीमकी खेलाडी कविता कुँवरलगायत प्रयोजक, सहआयोजकलाई सम्मानसमेत गरियो। पर्यटन वर्ष २०२० लाई लक्षित गर्दै प्रजातन्त्र दिवसको अवसर प्रतियोगिता आयोजना गरिएको थियो। प्रतियोगितामा ७ टोलीको सहभागिता रहेको थियो।