माओवादीले तोक्‍यो प्रदेश १ का जिल्ला नेतृत्वको जिम्मेवारी

विराटनगर- नेकपा माओवादी केन्द्रले प्रदेश समितिले जिल्ला सम्मेलनसम्मका लागि नेताहरुको कार्यविभाजन गरेको छ। सोमबार बसेको प्रदेश समिति कार्यालयको बैठकले विभिन्‍न जिल्लामा नेताहरुलाई सहइञ्‍चार्ज र संयोजकहरु जिम्मेवारी दिने निर्णय गरेको हो । 

बैठकले पाँचथरमा हर्कबहादुर नेम्वाङलाई सहइञ्‍चार्ज र होमबहादुर जबेगुलाई संयोजकको जिम्मेवारी दिएको छ। माओवादी केन्द्रले ताप्लेजुङ्गको संयोजकको जिम्मेवारी विजयप्रकाश बनेमले पाएका छन्। इलाममा हर्कबहादुर लावती र टीका घिमिरे सहसंयोजक बनेका छन् भने सोममाया राई जिल्ला संयोजक भएकी छन्।

माओवादी केन्द्रले झलकसिंह दर्लामीलाई झापा जिल्लाको सहइञ्‍चार्जको जिम्मेवारी दिने निर्णय गरेको छ भने झापा संयोजकको जिम्मेवारी मनिकुमार राईले पाएका छन्। मोरङमा प्रदेशसभा सदस्य कुलप्रसाद साम्बाले सहइञ्‍चार्जको जिम्मेवारी पाएका छन् भने गणेश उप्रेती जिल्ला संयोजक बनेका छन् । सुनसरीमा मुक्साहाङ मेन्याङबो र शिबकुमार डाँगी सहइञ्‍चार्ज भएका छन् भने योगेन्द्रप्रसाद मण्डल संयोजक बनेका छन्।

 यसैगरी धनकुटा सहइञ्‍चार्जमा धनमाया बिकलाई जिम्मेवारी दिइएको छ भने ऋषिराम ढुंगानाले संयोजकको जिम्मेवारी पाएका छन् । संखुवासभामा रिपुप्रसाद राई, इन्दिरा मिश्र र थानप्रसाद अधिकारी सहइञ्‍चार्ज बनेका छन् भने संयोजकमा कृष्ण जीमी याक्खालाई जिम्मेवारी दिइएको नेकपा माओवादी प्रदेश समितिले जानकारी दिएको छ। 

भोजपुर जिल्ला सहसंयोजकको जिम्मेवारी दिलकुमार राईले र संयोजकको जिम्मेवारी नगेन्द्र भुजेलले पाएका छन्। यस्तै खोटाङ सहइञ्‍चार्जमा धुर्ब बुढाथोकीलाई र संयोजकमा देवन चाम्लिङ्ग राईलाई दिने निर्णय माओवादी केन्द्रले गरेको छ। ओखलढुंगामा प्रदेशसभा सदस्यसमेत रहेका मोहनकुमार खड्का संयोजक बनेका छन्। 

माओवादी केन्द्रले उपयपुरमा तीन जना इञ्‍चार्ज बनाएको छ । उदयपुरमा भीमबहादुर अधिकारी, मोहनबहादुर खत्री र राजन किराँती सहइञ्‍चार्ज बनेका छन् भने विनोद कटुवालले जिल्ला संयोजकको जिम्मेवारी पाएका छन्।

 नेकपा माओवादी केन्द्रले विराटनगर महानगरपालिको सहइञ्‍चार्जमा हेमबहादुर कार्कीलाई जिम्मेवारी दिएको छ भने भोगेन्द्र यादवलाई संयोजक र नमिता न्यौपानेलाई सचिवको जिम्मेवारी दिने निर्णय गरेको छ।