हिमेश पन्त कमेडी च्याम्पियनको टप थ्रीमा, क्रिकेट रंगशालालाई दिए २५ हजार

काठमाडौं– हिमेश पन्त कमेडी च्याम्पियन रियालिटी शोको टप थ्रीमा पुगेका छन्। निर्णायकहरुले उनलाई सोझै टप थ्रीमा छानेका हुन् । राउण्ड अफ द विकमा छानिएपछि पन्त सिधै फाइनलमा पुगेका छन्।

अन्य तीनजना (विष्णुप्रसाद गौडेल, सुमन कोइराला र खड्गबहादुर पुन मगर) मध्ये अर्को हप्ता भोटिङबाट एकजना आउट हुनेछन्। बढ भोट ल्याउने दुईजना र पन्तबीच उपाधिका लागि प्रतिस्पर्धा गर्नेछन् ।

यसैबीच, पन्तले टप थ्रीमा पुगेबापत पाएको २५ हजार रुपैयाँ चितवनमा निर्माणाधीन अन्तर्राष्ट्रिय क्रिकेट रंगशालालाई प्रदान गरेका छन्। कमेडी च्याम्पियनको सेटमा आएका सीताराम कट्टेल धुर्मुस र कुञ्जना घिमिरे सुन्तलीलाई उनले सो रकमको चेक हस्तान्तरण गरेका थिए।