म्यानचेस्टर युनाइटेडको सहज जित

म्यानचेस्टर– इंग्लिस प्रिमियर लिगको सर्वाधिक विजेता म्यानचेस्टर युनाइटेडले सोमबार राति भएको खेलमा चेल्सीमाथि सहज जित निकालेको छ।

घरेलु मैदान स्टमफोर्ड ब्रिज स्टेडियममा भएको खेलमा पाहुना टोलीले चेल्सीलाई २–० ले पराजित गरेको हो।

युनाइटेडका लागि एन्टोनी मार्टियल र ह्यारी म्याग्युइरले गोल गरे।

मार्टिययलको गोलमा युनाइटेडले पहिलो हाफमै अग्रता बनाएको थियो। खेलको ४५ औं मिनेटमा उनले हेडिङमार्फत गोल गर्दा पहिलो हाफमा युनाइटेड १ गोलले अगाडि रह्यो। दोस्रो हाफमा म्याग्युइरले अर्को गोल थपे। उनले खेलको ६६ औं मिनेटमा गोल गरे।

उता चेल्सीका लागि भने भिएआर दुर्भाग्य बन्यो। दुई पटकको गोल पनि भिएआरकै कारण रेफ्रीले करार दिएनन्।

जितसँगै युनाइटेड ३८ अंकसहित तालिकाको सातौं स्थानमा उक्लिएको छ। अर्कोतर्फ ४१ अंकसहित चौथोस्थानमा रहेको चेल्सीले तेस्रो स्थानको लेस्टरसिटीसँग अंकदुरी घटाउने अवसर गुमाएको छ।

तेस्रो स्थानको लेस्टरसिटीको ५० अंक छ।