राजर्षि जनक विश्वविद्यालयमा नेविसंघको ताला

जनकपुरस्थित राजर्षि जनक विश्वविद्यालयमा नेपाल विद्यार्थी संघ (नेविसंघ) आवद्ध विद्यार्थीहरुले तालाबन्दी गरेका छन्।

नेपाल समय | बुधबार, माघ २९, २०७६

नेपाल समय

बुधबार, माघ २९, २०७६

राजर्षि जनक विश्वविद्यालयमा नेविसंघको ताला

जनकपुरधाम– जनकपुरस्थित राजर्षि जनक विश्वविद्यालयमा नेपाल विद्यार्थी संघ (नेविसंघ) आवद्ध विद्यार्थीहरुले तालाबन्दी गरेका छन्। उनीहरुले विश्वविद्यालयका उपकुलपति र डीनको कार्यालयमा बुधबार तालाबन्दी गरेका हुन्।

विश्वविद्यालयले विद्यार्थी भर्ना प्रक्रियामा अनियमितता गरेकोले तालाबन्दी गरेको नेविसंघ धनुषाका पूर्वअध्यक्ष सुजीत मिश्रले बताए । विद्यार्थी भर्ना र छात्रवृत्ति वितरणमा विश्वविद्यालयले अनियमितताका साथै आर्थिक चलखेल गरेको मिश्रले आरोप लगाए ।

विश्वविद्यालयका डीन जुगेश्वर साहले विद्यार्थीहरुले तालाबन्दी गरेको भए पनि कारणबारे आफूहरुलाई कुनै जानकारी नरहेको बताए । विद्यार्थीका केही असन्तुष्टि भए छलफल गर्न सकिने उनले बताए।

राजर्षि जनक विश्वविद्यालय स्थापना भएको केही वर्ष भए पनि विभिन्न कारणले विवादमा पर्दै आएको छ ।

प्रकाशित: Feb 12, 2020| 14:46 बुधबार, माघ २९, २०७६