पुरुष क्रिकेट खेलाडीले पाँच हजार 'म्याच फि' पाउने

काठमाडौं- नेपालको पुरुष राष्ट्रिय टोलीका सदस्यले अन्तर्राष्ट्रिय खेल खेलेबापत म्याच फि पाउने भएका छन्।

नेपाल क्रिकेट संघको सोमबार सिटी अफिस नक्सालमा बसेको केन्द्रीय कार्यसमिति बैठकले प्रत्येक अन्तर्राष्ट्रिय खेलवापत खेलाडीलाई पाँच हजार म्याच फि दिने निर्णय गरेको हो। खेलाडीले जनवरीदेखि खेल्ने प्रत्येक खेलका लागि म्याच फि पाउने भएका हुन्।

यस्तै क्यानले राष्ट्रिय क्रिकेट टिम पुरुषतर्फ २४ जना खेलाडीहरुलाइ A+, A, B र C ग्रेड अनुसार र सिनियर राष्ट्रिय महिला टोलीतर्फ १८ खेलाडीलाई A,B र C ग्रेड अनुसार सेन्ट्रल कन्ट्र्याक्टमा समावेस गर्न प्रस्तावना तयार गरि संघलाई पेश गर्न संघ केन्द्रीय कार्यसमिति कोषाध्यक्ष रोशन कुमार सिंहको संयोजकत्वमा केन्द्रीय सदस्य अमितवीर पान्डे र दुर्गाराज पाठक रहेको समिती गठन गरेको छ|

यस्तै क्यानले चैतको तेस्रो सातादेखी सिनियर पुरुष एकदिवसीय प्रतियोगिता आयोजना गर्ने निर्णय पनि गरेको छ।