यू १९ क्रिकेट विश्वकप : भारतलाई हराउँदै बंगलादेश बन्यो विजेता

आइसिसी यू १९ क्रिकेट विश्वकपमा बंगलादेशले उपाधि जितेको छ।

आइतबार भएको खेलमा भारतलाई ३ विकेटले हराउँदै बंगलादेशले उपाधि हात पारेको हो।

साउथ अफ्रिकाको पोचेफ स्ट्रोम स्टेडियममा टस हारेर ब्याटिङको निम्तो पाएको भारतले ४७ दशमलव २ ओभरमा सबै विकेट गुमाएर १७७ रन बनाएको थियो।

भारतका लागि यशस्वी जसवालले ८८ रन बनाउँदा तिलक बर्माले ३८ र धुब्र जरेलले २२ रन बाहेक अन्य ब्याट्सम्यानले दोहोर अंकमा रन बनाउन सकेनन।

भारतलाई सस्तैमा समेट्न अभिशेक दासले ३ विकेट तथा तन्जिम हसन सकिव र सोरिफुल इस्लामले समान २/२ विकेट लिए।

यता बंगलादेशले डिएल मेथड बाट ४६ ओभरमा छोट्याइएको खेलमा १७० रनको लक्ष्य ४२.२ ओभरमा ७ विकेट गुमार २३ रन बाँकी रहँदै भेट्टायो।

बंगलादेशका लागि परभेज हुसैन इमोनले ४७ रन बनाउँदा कप्तान अकवर अलीले अभिजित ४३ रन बनाए।

त्यस्तै तान्जित हसनले १७ रन बनाउदा १ सय ७० रन बनाउँदै डिएल मेथडबाट तोकेको लक्ष्य पुरा गर्‍यो।

भारतका लागि रबि बिसोइले ४ विकेट तथा शुसान्त मिश्रले २ विकेट लिए पनि भारतको हार टार्न सकेनन्।