नेपालको तेस्रो विकेट झर्याे, दीपेन्द्र शून्य रनमै आउट

‘विश्वकप क्रिकेट लिग–२’को त्रिकोणात्मक शृंखलाअन्तर्गत ओमानविरुद्धको खेलमा नेपालको तेस्रो विकेट झरेको छ।

नेपाल समय | आइतबार, माघ २६, २०७६

नेपाल समय

आइतबार, माघ २६, २०७६

नेपालको तेस्रो विकेट झर्याे, दीपेन्द्र शून्य रनमै आउट

काठमाडौं– ‘विश्वकप क्रिकेट लिग–२’को त्रिकोणात्मक शृंखलाअन्तर्गत ओमानविरुद्धको खेलमा नेपालको तेस्रो विकेट झरेको छ।

नेपालले तेस्रो विकेटका रूपमा खेलको २३.३ ओभरमा दीपेन्द्रसिंह ऐरीलाई शून्य रनमै गुमाएको हो। उनलाई मोहम्मद नदिमले बिलाल खानद्वारा क्याच आउट गराए।

दीपेन्द्रपछि ब्याटिङका लागि आरिफ शेख मैदानमा आएका छन्।

यसअघि नेपालले पहिलो विकेटका रूपमा १४.१ ओभरमा सुवास खकुरेललाई २२ रनमा गुमाएकाे थियाे। यस्तै, दोस्रो विकेटका रूपमा २३.१ ओभरमा पारस खड्कालाई ३८ रनमा गुमाएको थियाे। उनीहरुलाई मोहम्मद नदिमले आउट गरे।

खेलको २३.३ ओभरमा नेपालले ३ विकेट गुमाएर १०७ रन जोडेको छ। कप्तान ज्ञानेन्द्र मल्ल ४५ रनमा खेलिरहेका छन्।