करनले एकै ओभरमा लिए दुई विकेट

काठमाडौं– ‘विश्वकप क्रिकेट लिग २’को त्रिकोणात्मक एकदिवसीय शृंखलाअन्तर्गत अमेरिकाविरुद्धको खेलमा नेपालका करन केसीले एकै ओभरमा दुई विकेट लिएका छन्।

उनले तेस्रो ओभरको चौथो तथा अन्तिम बलमा विकेट लिएका हुन्।

उनले खेलको २.४ ओभरमा शून्य रनमै स्टिभन टेलर आउट गरे भने २.६ ओभरमा २ रनमा जेभिर मार्सललाई आउट गरे।

जारी खेलमा सन्दीपले पनि दुई विकेट लिइसकेका छन्।

सन्दीपले दोस्रो ओभरको चौथो बलमा अमेरिकाको पहिलो विकेट लिएका थिए। उनले पहिलो विकेटका रूपमा आरोन जोन्सलाई ५ रनमा एलबीडब्लु आउट गरे।

यस्तै, उनले खेलको चौथो ओभरको चौथो बलमा मोनांक पटेललाई पनि ४ रनमा एलबीडब्लुको सिकार बनाए।

जारी खेलको ७ ओभरको खेल सकिँदा अमेरिकाले ४ विकेट गुमाएर २३ रन जोडेको छ।

इयान हल्यान्ड ५ र अक्षय होमराज ४ रनमा खेलिरहेका छन्।

जारी शृंखलाको तेस्रो खेलमा अमेरिकाले १९१ रनको लक्ष्य पछ्याउँदै ब्याटिङ गरिरहेको छ।

यसअघि टस हारेर ब्याटिङ गरेको नेपालले अलआउट हुँदै १९० रन जोडेको थियो।