काठमाडौं– नेपालका विनोद भण्डारीले एकदिवसीय अन्तर्राष्ट्रिय क्रिकेटमा आफ्नो पहिलो अर्धशतक प्रहार गरेका छन्।
‘विश्वकप क्रिकेट लिग २’को त्रिकोणात्मक एकदिवसीय शृंखलाअन्तर्गत जारी अमेरिकाविरुद्धको खेलमा उनले अर्धशतक प्रहार गरेका हुन्।
उनले ६२ बलमा ५० पूरा गरे। उनले आफ्नो पारी ५ चौका र १ छक्का प्रहार गरेका छन्।
उनीसँगै सुशान भारी ७ रनमा खेलिरहेका छन्।
जारी खेलको ४४.१ ओभर सकिँदा नेपालले ८ विकेट गुमाएर १७१ रन जोडेको छ।
यसअघि जारी खेलमा कुशल मल्लले पनि अर्धशतक प्रहार गरेका थिए।
जारी खेलमा नेपाल टस हारेर पहिले ब्याटिङ गरिरहेको छ।