लन्डन– इंग्ल्यान्ड क्रिकेट टिमका तीव्र गतिका बलर जोफ्रा आर्चरले आगामी महिना हुने श्रीलंका भ्रमणका खेल गुमाउने भएका छन्।
दायाँ हातको कुइनाको चोटका कारण उनी सो टेस्ट खेल्ने टोलीमा परेका छैनन्।
गत डिसेम्बरमा दक्षिण अफ्रिकाविरुद्धको पहिलो टेस्टमा उनलाई कुइनामा चोट लागेको थियो।
चोटकै कारण २४ वर्षीय आर्चरले दक्षिण अफ्रिकासँगका बाँकी तीन खेल गुमाएका थिए।
इंग्ल्यान्डले दक्षिण अफ्रिकासँगको शृंखला ३–१ ले आफ्नो पक्षमा पारेको थियो।
आर्चरले श्रीलंकासँगको टेस्ट शृंखला मात्र होइन, आगामी सिजनको इन्डियन प्रिमियर लिगमा पनि सहभागी हुन पाउने छैनन्।
उनी जुनमा हुने वेस्ट इन्डिजसँगको तीन खेल र इंग्लिस समरका लागि फिट हुने गरी मेडिकल तयारीमा लागेका छन्।