‘ए’ डिभिजन लिगमा सातौं चरण सकियो, यस्तो छ अंकतालिका

काठमाडौं– कतार एयरवेज सहिद स्मारक ‘ए’ डिभिजन लिगअन्तर्गत सातौं चरणका खेल सम्पन्न भएका छन्।

यस्तो छ अंकतालिका

सातौं चरण सकिँदा अंकतालिकामा त्रिभुवन आर्मी क्लब १६ अंकसहित शीर्ष स्थानमा कायमै छ। आर्मीले ५ जित, १ हार र १ बराबरी खेलेको छ।
अंकतालिकामा मछिन्द्र दोस्रो, मनाङ मस्र्याङ्दी तेस्रो, न्युरोड टिम (एनआरटी) चौथो, थ्री स्थार पाँचौं, नेपाल पुलिस छैटौं, संकटा सातौं, जाउलाखेल युथ आठौं, ब्रिगेड ब्वाइज नवौं र फ्रेन्ड्स क्लब दसौं स्थानमा छन्।

मछिन्द्र र मनाङ मस्र्याङ्दीको समान १३ अंक रहँदा एनआरटी, थ्री स्टार र नेपाल पुलिसको ११–११ अंक छ। यस्तै संकटा तथा जाउलाखेलको समान ९ अंक बटुलेका छन् भने बिग्रेड ब्वाइज र फ्रेन्ड्सको ८–८ अंक छ।

अंकतालिकामा हिमालयन शेर्पा एघारौं, च्यासल युथ बाह्रौं, एपीएफ तेह्रौं र सरस्वती युथ क्लब चौधौं (पुछार) स्थानमा छन्। हिमालयन शेर्पाले ७ अंक बटुल्दा च्यासलले ६, एपीएफले ५ र सरस्वतीले १ अंक मात्रै हासिल गर्न सकेको छ।

लिगअन्तर्गत बुधबारदेखि आठौं चरणका खेल सञ्चालन हुँदैछन्।