लिभरपुलको अपराजित यात्रा कायमै

इङलिस प्रिमियर लिगअन्तर्गत आइतबार राति भएको खेलमा लिभरपुलले म्यानचेस्टर युनाइटेडलाई हराएको छ।

नेपाल समय | सोमबार, माघ ६, २०७६

नेपाल समय

सोमबार, माघ ६, २०७६

इंग्ल्याण्ड– इङलिस प्रिमियर लिगअन्तर्गत आइतबार राति भएको खेलमा लिभरपुलले म्यानचेस्टर युनाइटेडलाई हराएको छ।

जारी सिजनमा आफ्नो अपराजित यात्रा कायम गर्ने क्रममा लिभरपुलले म्यानचेस्टर युनाटेडलाई २–० गोलअन्तरले हराएको हो।

लिभरपुलको जितमा भान डाइक र मोहम्मद सलाहले १–१ गोल गरे। डायकले खेलको १४ औं मिनेटमा र सलाहले इन्जुरी समयमा गोल गरे।
डायकले अलेक्जेन्जर आर्नोल्डको कर्नर प्रहारलाई हेडमार्फत गोल गरेका थिए।

जितसँगै शीर्ष स्थानको लिभरपुलले दोस्रो स्थानको म्यानचेस्टर सिटीसँगको दुरी १६ अंक पुर्याएको छ। लिभरपुलले ६४ अंक बटुल्दा म्यानचेस्टर सिटीको ४८ अंक छ।

जारी सिजनमा लिभरपुलले २२ खेलमध्ये २१ जित र १ बराबरी खेलेको छ।

यता, म्यान्चेस्टर युनाइटेड ९ जित, ७ हार र ७ बराबरी खेलेर ३४ अंकका साथ तालिकाको पाँचौ स्थानमा छ।

प्रकाशित: Jan 20, 2020| 08:28 सोमबार, माघ ६, २०७६