नेपाल बंगलादेशविरुद्ध ब्याटिङ गर्दै

काठमाडौं- बंगलादेशमा जारी एसीसी इमर्जिङ कपमा नेपाल आज (सोमबार) आयोजक बंगलादेशविरुद्ध खेलिरहेको छ। 

टस हारेर ब्याटिङ गरिरहेको नेपालले खेलको १६ औं ओभरमा चार विकेट गुमाएर ४७ रन जोडेको छ। आरिफ शेख ७ र पवन सर्राफ ६ रनमा खेलिरहेका छन्। यसअघि कप्तान ज्ञानेन्द्र मल्लले २७, कुशल भुर्तेलले १०, दीपेन्द्रसिंह ऐरीले ६ र शरद भेषवाकरले १ रन जोेडे।

बंगलादेशका लागि सुमोन खान र एमडी तनवीर इस्लामले समान दुई विकेट लिएका छन्।

प्रतियोगिताअन्तर्गत आफ्नो पहिलो खेलमा भारतसँग ७ विकेटले पराजित भएको नेपालले दोस्रो खेलमा हङकङलाई ४० रनले हराएको थियो। बंगलादेशले भने हङकङ र भारतलाई हराएको थियो।

नेपाल प्रतियोगिताको समूह ‘बी’मा छ। यस समूहमा नेपालसँगै भारत, बंगलादेश र हङकङ छन्। त्यस्तै, समूह ‘ए’मा श्रीलंका, पाकिस्तान, ओमान र अफगानिस्तान छन्।

प्रतियोगितामा टेस्ट राष्ट्रका यू-२३ टिम सहभागी छन्।