भारतले कब्जा गरेको सन्दकपुरमा नेपाली युवाले फहराए राष्ट्रिय झण्डा

इलाम- भारतले अतिक्रमण गरेको इलामको सन्दकपुर गाउँपालिका वडा नं. ४ को नेपाली भूमिमा नेपाली युवाले राष्ट्रिय झण्डा फहराएका छन्।

अखिल नेपाल स्वतन्त्र विद्यार्थी युनियन अनेरास्ववियु इलाम जिल्ला कमिटीले भारतीय सीमा सुरक्षा बलसँग प्रतिकार गरी शनिबार सन्दकपुरमा नेपाली झण्डा फहराएका हुन्।

उक्त ठाउँ केही समय अगाडि गाँउपालिकाले निर्माण सुरू गरेको भ्यु टावरलाई निर्माण अवरुद्ध गरी भारतले कव्जा गरेको थियो।

सो कव्जा गरेको जमिनमा अनेरास्ववियुले नेपालको राष्ट्रिय झण्डा फहराउन खोज्दा भारतीय सिमा सुरक्षा बलले बल प्रयोग गरेपछि सामान्य झडपसमेत भएको थियो।

अनेरास्ववियुका नेता रविन्द्र सुवेदीको नेतृत्वमा गएको टोलीले भारतद्वारा निषेधित क्षेत्र भनिएर लेखिएको बोर्डसमेत भत्काएर फ्याकिदिएका छन्।

कब्जा गरिएको जमिनमा राष्ट्रिय झन्डा फहराएपछि विधार्थीहरूले नाराजुलुस पनि गरेको अनेरास्ववियका नेता आरसी लामिछानेले जानकारी दिए।